Үүтү 3 мүнүүтэттэн ордук оргуттахха, битэмиинэ сүтэр;
Үүт оргутар иһит иһин кытыытынан сыанан оҕунуохтаан биэрдэххэ, таһынан куоппат;
Үүтү түргэнник оргутуоххун баҕардаххына, аҕыйах саахары таммалатан биэр.
Үүккэ кириэн үүнээйи сэбирдэҕин эбэтэр туус кыра куһуогун уктахха, аһыйбат. Аһыйартан харыстыырга өссө биир ньыма баар: үүтү куппут иһиккин хаппахтаан, уулаах көстөрүүлэҕэ угун, сотторунан бүрүйүн. Соттор аҥаар уһугун ууга угун.
Үүт хайдах хаачыстыбалааҕын билэргэ, тыҥыраххыт үрдүгэр үүт хааппылатын түһэрин. Хааппыла формата уларыйбатаҕына, үчүгэй хаачыстыбалаах эбит, оттон хааппыла уу курдук сүүрэн хааллаҕына - үүт уунан убатыллыбыт эбэтэр сыата суох куһаҕан хаачыстыбалааҕын дакаастыыр.
Хаахтыйбыт үүтү тутатына атын иһиккэ көһөрүн, кыратык тууста кутун уонна тымныы сиргэ уурун. Хаахтыйбыт амтана сүтүө.
Саха ыалын халандаара - 2012