Өҥүрүк уот куйаас күннэр тураннар, киһи төһө даҕаны ууну истэҕинэ тамаҕын ханнарбат буолар. Онон дьиэҕитигэр мороженайы оҥорон көрөргүтүн сүбэлиибит.

Сливочнай мороженайы оҥорорго сымыыттары эбэтэр уоһахтары эрэ, саахары кытта үлтү мэлийэҕит. Онтон салгыы оргуйбут итии үүтү кутан баран крем ытыйар тэрилинэн булкуйа-булкуйа өссө 80 кыраадыстан итиитэ суох оһоххо тэптэрэ түһэҕит. Биир тэҥ хойуу маасса үрдүгэр күүгэнэ суох буолуохтаах. Манна ванильнай бороһуогу эбэн баран сойутаҕыт уонна формаҕа кутан тоҥороҕут.
Мороженай оҥорорго манныгы өйдөөн:
1. Үүтэ элбэх буоллаҕына, сөптөөх хойуу мороженай тахсыбат. Түргэнник ууллар.
2. Сымыыта элбэх мороженай араҥас, уонна соччото суох амтаннанар.
Састааба: үүт 600, сүөгэй 75, саахар 250, сымыыт 129, ванилин 0,1.
Араас өҥнөөх мороженайы оҥорорго кыра иһиттэргэ кутан оҥорор ордук. Үрдүгэр фрукталары кыра гына кырбаан баран кутаҕыт, эбэтэр отону, сакылааты. Үрдүнэн сироп кутаҕыт уонна минньигэстик сиэн кэбиһиҥ”

Биллибэт хаһыат кырыллыыта