1 литр суораты бэлэмнииргэ 5 ыстакаан ыаммытынан үүт, ыстакаан аҥара сүөгэй бэлэмнэниллэр. Халыҥ түгэхтээх көстөрүүҥкэҕэ үүтү мөлтөх уока оргутуллар. Оргутуллубут үүтү 36 кыраадыска дылы сойутуллар.

Ити кэнниттэн аһытыыга бэлэмнэниллибит сүөгэйи кутан ытыйыллар уонна ыга хапахтаан ичигэс сиргэ туруоруллар. 2-3 чааһынан суорат холбоһон хойдубутун кэннэ тымныы сиргэ уурллар. Суораты анал бүлүүдэ быһыытынан ыстакааҥҥа кутан бэриллэр. Саахары эбэтэр чөчөгөйү кутан сиэххэ эмиэ сөп. Сахалар суоракка кыынньарыллыбыт арыыны кутааччылар. 1 литр бэлэмнэниллибит суоракка ыстакаан аҥара кынньарыллыбыт ынах арыыта кутулар. Ымныы суораты ытыйа туран кыынньарыллыбыт ары кутуллуохтаах.
Суорат өссө маннык ньыманан оҥоһуллар: 5 ыстакаан ыаммытнан үүт уонна аһытыыга ыстакаан ¼ суорат бэлэмнэниллэр. Суораты 2-3 хос мааыллаҕа кутан уутун сүрдүллэр. Ити 3-4 чаас устата барар. Маарыллаҕ халбыт хойуу суораты миискэҕэ кутан баран тымныы ыаммытынан үүтү кутат, үчүгэйдик ытыйаллар. Ити бэлэмнэниллибит суорат кээмэйин саҕа күөрчэҕи кутан булкуйуллар. Суорат бу көрүҥүн сахалар тумалаах суорат диэн ааттыыллар. Итинник убаҕас суораты сайыҥҥы кэмҥэ утах быһыытынан туһныллар.
Биһиэхэ хааһылаах суорат биир биһирэнэр аһылыгынан биллэр. Сурат бу көрүҥүн бэлэмнииргэ 5 ыстакаан арыы уута, 100 г бурдук, 1,5 ыстакаан ыамытынан үт, 2,5 ыстакаан сиидэлэмит суорат бэлэмнэниллэр. Ары уутун мөлтөх уокка ыыйа туран оргутулар, оргуйуон эрэ ининэ бурдгу кутан ытыйыллар. Ити кэнниттэн үчүгэйдик сойутуллар уона сиидэлэммит суораты, үүтү эбии кутан булкуйуллар. Суорат бу көрүҥэ аһылык быһыытынан тотойу, киһи утаҕын ханнарар.

И.И.Тарбахов “Эн остуолун сахалыы астара”, “Якуткига”, 1991.