Быырпаҕы сүнньүнэн икки суол ньыманан бэлэмниэххэ сөп. Бастакыта: 3 литр бырпаҕы ылар наадаттан маннык рецебинэн бэлэмнэниллэр: 400 грамнаах 1 бааҥка саахардаах кэнсиэрбэлэммит үүт (сгущенка), 2 ыстакаансуорат, 2,2 литр уу бэлэмнэниллэр.

Оргутуллубут ууга кэнсиэрбэ үүтү кутуллар. Ити кэнниттэн бэлэмнэниллибит суорат холбонуллар. Муос ытыгынан үчгэйдик ытыйылар уонна иһити ыга хаппахтаныллар. Бэлэмнэниллибит быырпаҕы 8-10 чаас туруоруллар. Быырпах үрдүгэр бытархай хабахтар тахсалларын саҕана эмиэ үчүгэйдик ытыйыллар уонна 4-5 чаас устат ыга хаппахтанылар, салгыы туруорулар. Бэлэм көөнньөрүллүбүт быырпахха, иһиэх иннинэ, сүөгэй куттахха утах ордук минньигэс буолар.

Быырпах икис көрүҥэ өссө судургу: 3 литр быырпаҕы ылар буоллахха ыстакаан аҥардыыта сүөгэй, 1,2 литр суорат, 1 литр уу, 20 грам саахар бэлэмнэниллэр. Оргутуллубут ууга сүөгэйи, суораты, саахары кутан ытыйыллар. Ытыйыы бытархай хабахтар тахсыахтарыгар диэри оҥоһуллар. Ол кэнниттэн утаҕы 8-10 чаас устата итии сиргэ ыга хапахтаан уурллар. Көөнньөрүллүбүт быырпаҕы сойутан баран, иһиэх иннинэ ытыйыллар.

И.И.Тарбахов “Эн остуолун сахалыы астара”, “Якуткига”, 1991.