Толору аата Брызгаев Прокопий Титович диэн. Кини 1888 с. төрөөбүт уонна сааһын тухары Чурапчы Амматыгар Мырылаҕа, аатырар Тэбэр Хайа анныгар, олорбут. Үс ини-бии этилэр. Улаханнара Бөҕө Ньыыкаан, ортолоро Бөҕө Тараҕай, кыра уол Оччоох Өндөрөй диэн эбиттэр.

Дьокуускайга 1915 с. сайын 10 улуус бөҕөстөрүн түһүлгэтэ тэриллибит. Түһүлгэни аатырбыт атыыһыт Г.В. Никифоров - Манньыаттаах Уола көҕүлээн тэрийбит эбит. Түһүлгэҕэ 40 чулуу бөҕөс мустубут. Хас да күн устата туһуннарбыттар. Маннык улахан тустууга Бөҕө Тараҕай биир да тустуугу тулуппатах. Хас кыайдаҕын ахсын Манньыаттаах Уола Бөҕө Тараҕайга биирдии кыһыл көмүс манньыаты туттаран испит. Мантан сылыктаан көрдөххө, ыраахтааҕы былааһын саҕанаБөҕө Тараҕай Саха сирин тустууга бастакы чемпиона буолбут эбит.

Халандаар - 2007