“Тиксии» диэн биһиэхэ муораттан балык үөрдээн, күргүөмүнэн биирдэ анньан кэлиитэ. Нууччалыыта ону “косяк” диэччилэр. Балык үөрэ. Ону биһиги “тиксии” диэн ааттыыбыт. Сайын устата муҥутаан иккитэ кэлэр.
Онтон тахсыбыт, аатырбыт “Тиксии” диэн.
Күөлгэ илим үтэ, көрө баралларын “күөллэнэ бардыбыт” дииллэр. Эбэтэр “үрэхтэнэ”. Ол курдук тиксии кэлэрин кэтэһэ бардахтарына, “тиксиилии бардыбыт” дэһэллэрэ.
Күөрээкин ЛЭГЭНТЭЙ - Сэкэннэй, Булуҥ улууһа, Түмэти, Хаҥалас ууһа. http://www.kyym.ru - сайттан. "Кыым" №44 2016.11.10